Kuelekea mchezo wa leo usiku baina ya mafahari wawili wa ulaya City vs Barcelona, millardayo.com inakuletea takwimu mbalimbali zinazohusiana na mchezo huu wa leo.
Manchester City FC v FC Barcelona
• Wakati hizi hazijawahi kukutana katika mashindano rasmi, wamewahi kucheza mara sita, Barcelona wakishinda mechi tatu za mwanzo lakini wakafungwa mechi ya 4 kwa penati. Man City wameshinda mechi mbili za mwisho, ikiwemo ya tarehe 10, August 2003 – mechi ya ufunguzi wa uwanja wa City of Manchester ambao sasa unaitwa Etihad. Nicolas Anelka na Trevor Sinclair walifunga upande wa City na Javier Saviola aliifungia Barcelona. City pia iliifunga 1-0 Barcelona katika mchezo wa kirafiki mnamo August 2009, Martin Petrov alikuwa mfungaji wa goli hilo. Kiungo wa Man City Yaya Toure alikuwa akiichezea Barcelona wakati huo, Pablo Zabaleta ndio mchezaji pekee aliyebakia kwenye kikosi cha City mpaka hivi sasa katika wachezaji wote walioichezea City siku hiyo.
