Kiungo wa kati wa Senegal Iliman Ndiaye amejiunga na klabu yake ya utotoni ya Olympique de Marseille kutoka klabu iliyopanda daraja ya Ligi Kuu ya Uingereza Sheffield United, klabu hizo mbili zilitangaza Jumanne.
Tangu ajiunge na United mwaka 2019, amecheza michezo 88, akifunga mabao 22. Ndiaye alikuwa kivutio kikubwa katika kampeni ya kupandishwa daraja msimu uliopita ambapo alicheza mechi 52 katika mashindano yote, akifunga mabao 15 na kutoa asisti 13.
United ilisema “ilikubali kwa kusita” ofa ya Marseille na ilitaka mchezaji huyo, ambaye alikuwa amebakiza mwaka mmoja kwenye mkataba wake, abaki na kuisaidia timu hiyo kwenye ligi kuu.
Ndiaye mzaliwa wa Ufaransa alianza kazi yake katika safu ya vijana ya Marseille katika msimu wa 2011-2012.
Aliamua kuiwakilisha Senegal na akacheza mechi yake ya kwanza ya kimataifa mwaka wa 2022. Ndiaye, ambaye amecheza mechi saba, alikwenda Kombe la Dunia la Qatar 2022, ambapo Senegal ilishindwa na Uingereza katika hatua ya 16 bora.
