Kocha wa Manchester United Louis van Gaal amemtetea mapema mshambuliaji mpya wa klabu hiyo Anthony Martial kuwa itachukua muda kuizoea Ligi Kuu Uingereza, hivyo wasitegemee kuanza kwa kufanya vizuri au kufunga magoli, kauli hii inakuja ikiwa ni saa chache zimesalia kabla ya Man United kucheza mechi dhidi ya Liverpool.
Mshambuliaji huyo wa kifaransa alisajiliwa na Man United wakati wa mapumziko ya kupisha mechi za kimataifa, hivyo Van Gaal anajaribu kuwashauri mashabiki wampe muda wa kutosha kwanza wa kuizoea Ligi kabla ya kuanza kufanya vizuri, kwani ada ya pound milioni 36 aliyosajiliwa kutokea Monaco ni kiasi kikubwa ukilinganisha na umri wake hivyo mashabiki wengi huenda wakawa na matarajio makubwa.
Kwa upande wa Anthony Martial ameonekana akifanya matembezi na mkewe Samantha na mtoto wao katika jiji la Manchester, huku akionekana kufurahia maisha mapya katika jiji la Manchester. Martial anapewa nafasi kubwa ya kucheza katika mechi dhidi ya Liverpool, hivyo kutokana na usajili wake kugharimu fedha nyingi, huenda mashabiki wakatarajia makubwa kutoka kwake.
PAPO KWA PAPO zipate habari zote zinazonifikia za siasa muziki, michezo, maisha, Breaking news na nyingine kwa kujiunga hapa na mimi >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos
