Ni muendelezo wa ripoti za Ayo Tv kutokea Manzese Dar es Salaam, juu ya mkasa wa mume aliyefahamika kwa jina la Omary Helman maarufu kama Komi Mjeshi akidaiwa kumuua mkewe Mwanahamisi Pauline kwa kutumia kitu chenye ncha kali kisha na yeye kujiuwa June 28,2023 baada ya kugonga treni maeneo Ubungo Maziwa.
Ayo Tv tumezungumza na Jeniffer Java “Mimi ni Dada wa marehemu Omary Helman maarufu kama Komi Mjeshi ambaye jana alifanya tukio la kumuua mkewe kwa kumchoma na kisu na sisi taarifa tulizipata majira ya saa 2:30 kwenda saa 3 kwa kweli hizo taarifa tumezipokea kwa masikitiko kwa sababu sisi yule mwanamke hatuna ugomvi naye, sijajua kama walikuwa na ugomvi au lah ila ndio tulipokea hizo taarifa za msiba na tukashirikiana kule tulipoenda eneo lile la tukio tukakuta kweli ndugu yetu amefanya hilo tukio, kwahiyo tukakaa tukajadili jadili ambapo wenzetu kule walipokaa wakaweka msiba wa yule mwanamke tulipofika kule wakati tumekaa kuongea tukapigiwa simu kwamba ndugu yetu naye amejirusha kwenye treni na amefariki,”
