Jeshi la Polisi Tanzania limesema limefanikiwa kuwakamata Watuhumiwa watatu wanaodaiwa kumuua Dkt. Isack Daniel Athumani Sima aliyekuwa Mganga Mfawidhi wa Kituo cha Afya Nyamongo katika Halmashauri ya Wilaya ya Tarime Mkoani Mara kisha Watuhumiwa hao wakakimbilia Mwanza na baadaye Dar es salaam.
Msemaji wa Jeshi Polisi Tanzania, David Misime amenukuliwa akisema “May 03,2023 Dr. Isack aliuawa akiwa anatokea kazini, Watuhumiwa watatu waliofanya mauaji hayo pamoja na kukimbilia Mwanza na baadaye Dar es salaam wamekamatwa na Askari wetu waliobobea katika uchunguzi wa matukio ya mauaji, uchunguzi unakamilishwa ili wafikishwe Mahakamani”
