Mawakili wa Sean “Diddy” Combs wamesema video inayodaiwa kuonyesha msanii huyo kumshambulia aliyekuwa mpenzi wake, Cassie Ventura, ilibadilishwa.
Katika taarifa walizotoa Alhamisi, mawakili walisema video hiyo haikuonyesha kikamilifu kile kilichotokea mwaka 2016 kwenye Hoteli ya Intercontinental mjini Los Angeles.
Video hiyo ilitumika kama ushahidi na waendesha mashtaka katika kesi inayodai Combs alihusika katika biashara ya utumwa wa ngono akimlazimisha Cassie kushiriki katika vitendo vya ngono na makahaba. Hata hivyo, mawakili wa Combs walisema kuwa video hiyo ilibadilishwa ili kuunda hadithi isiyo sahihi, na kudai kwamba video hiyo inapaswa kuchukuliwa kama sehemu ya mgogoro wa kifamilia ambapo Combs alikimbia kuelekea koridani ya hoteli ili kuchukua nguo zake na simu yake ya mkononi.
Mawakili wa utetezi walidai kuwa video ya serikali inachukuliwa kama toleo la habari lenye upotoshaji. Katika taarifa walizoandika, wakili Alexandra Shapiro alisema video iliyowasilishwa na serikali ilikosa sehemu muhimu za tukio na ilibadilisha mfuatano wa matukio, na hivyo kuonyesha picha potofu ya kile kilichotokea.
Wakili huyo alikubaliana kutoa mchambuzi wa video mtaalamu kwa ajili ya majadiliano ya kesi hiyo, ambapo hakimu atatoa uamuzi kuhusu ombi la dhamana. Hata hivyo, waendesha mashtaka wamesema ushahidi wa video na vipengele vingine vya kesi ni vya kutosha kumzuia Combs kuwa huru kabla ya kesi yake.
Video iliyoonyeshwa inaonyesha Combs akimfuata Cassie kwenye koridani ya hoteli, akimshika kwa shingo, kumuangusha chini na kumtandika kwa miguu. Alionekana pia kumvuta kwa shati lake na kumdrag kwenye sakafu.
Baada ya CNN kuchapisha video hiyo, Combs alijuta na kusema alifika “hatua ya chini” kisha akatoa pole kwa vitendo vyake na kusema alichukua “responsibility kamili” kwa kile alichokifanya. Cassie Ventura alikubali makubaliano ya kusuluhisha kesi dhidi ya Combs Novemba 2023, ikiwemo madai ya biashara ya ngono na unyanyasaji wa kijinsia.
