Uhispania watakuwa wenyeji wa Brazil katika uwanja wa Real Madrid wa Bernabeu katika mechi ya kirafiki ya kimataifa mnamo Machi 26 ili kuhamasisha juu ya ubaguzi wa rangi.
Unyanyasaji wa mara kwa mara wa ubaguzi wa rangi dhidi ya mshambuliaji wa Madrid Vinícius Júnior na mashabiki wa wapinzani nchini Uhispania ulisababisha mashirikisho ya soka ya kimataifa kufanya kazi pamoja kuandaa mchezo na kuimarisha kujitolea kwao dhidi ya vurugu na ubaguzi wa rangi chini ya mada “ngozi sawa.”
Vinícius wa Brazil amekuwa akinyanyaswa kwa ubaguzi wa rangi tangu alipokuja kucheza nchini Uhispania miaka mitano iliyopita.
Mechi iliyochezwa kwenye Uwanja wa Mestalla kati ya Real Madrid na Valencia msimu uliopita ilisimamishwa kipindi cha pili baada ya mchezaji huyo wa kimataifa wa Brazil kubaini shabiki kwenye umati nyuma ya lango la Valencia kuwa alimdhalilisha kibaguzi
. Katika mitandao ya kijamii baada ya mchezo huo, Vinícius alisema kuwa “ubaguzi wa rangi ni jambo la kawaida katika LaLiga” na akasema “huko Brazil, Uhispania inajulikana kama nchi ya wabaguzi wa rangi.”
Shirikisho la Soka la Brazil (CGF) na serikali ya nchi hiyo ilizitaka mamlaka za Uhispania kuchukua hatua dhidi ya mashambulio ya kibaguzi dhidi ya Vinicius.
LaLiga imewasilisha malalamiko kwa mamlaka kwa matusi ya kibaguzi au nyimbo dhidi ya Vinícius, huku baadhi yao yakizuiliwa na waendesha mashtaka.
