Meta mnamo Jumanne ilisema itaficha baaadhi ya maudhui yaliyomo zaidi kutoka kwa vijana kwenye majukwaa yake ya mitandao ya kijamii: Instagram na Facebook.
Haya yanajiri, huku wasimamizi kote ulimwenguni wakihimiza kampuni hiyo kubwa ya mitandao ya kijamii kuwalinda watoto dhidi ya maudhui hatari kwenye programu zake.
Katika chapisho la blogu, Meta ilisema kuwa vijana wote sasa watawekwa katika mipangilio ya udhibiti wa maudhui yenye vikwazo zaidi kwenye programu zake kwa kuzingatia umri
Zaidi ya hayo, maneno ya ziada ya utafutaji yatapunguzwa kwenye Instagram, alisema gwiji huyo wa teknolojia.
Hii inamaanisha kuwa sasa itakuwa vigumu zaidi kwa vijana kufikia maudhui nyeti kama vile kujiua, kujidhuru na matatizo ya kula, hata wanapotumia vipengele kama vile Tafuta na Gundua kwenye Instagram.
Imedaiwa kuwa programu za Meta za Instagram na Facebook ni uraibu na zimechangia mzozo wa afya ya akili kwa vijana.
