Leo July 30, 2018 Rais Dkt. John Magufuli amemtumia salamu za rambirambi Mufti wa Tanzania Sheikh Aboubakary Zubeir bin Ally kufuatia kifo cha Sheikh Mkuu wa Mkoa wa Mwanza na Mwenyekiti wa Baraza la Ulamaa katika Mkoa huo Sheikh Salum Hassani Fereji.
“Nimesikitishwa sana na kifo cha Sheikh Fereji, nilipokuwa nikienda Mwanza alikuwa miongoni mwa viongozi wa dini waliokuja kunipokea na amekuwa akifanya kazi ya Mwenyezi Mungu kwa mapenzi makubwa na nchi yake,”-Rais Magufuli
“Pole sana Mufti wa Tanzania na nakuomba unifikishie salamu zangu za pole kwa familia yake, Waislamu wote wa Mkoa wa Mwanza na nchi nzima pamoja na wote walioguswa na msiba huu”, amesema Rais Magufuli.
Sheikh Salum Hassani Fereji alifariki usiku wa kuamkia Julay 28, 2018 katika hospitali ya Rufaa ya Bugando Mkoani Mwanza alipokuwa amelazwa kwa matibabu ya ugonjwa wa kisukari na shinikizo la damu.
Maiti ya Sheikh Salum Hassani Fereji ilisaliwa July 29, 2018 katika msikiti wa Raudhwa uliopo mtaa wa Lumumba jijini Mwanza na kuzikwa siku hiyo hiyo ambapo viongozi wa dini akiwamo Mufti wa Tanzania Aboubakary Zubeir walihudhuria katika mazishi hayo pamoja na viongozi wa serikali.
LIVE MAGAZETI: Siri nje Jokate kuteuliwa, Mnyukano CCM asilia, Wahamiaji
