Wengi wetu tunafahamu kwamba Rais Magufuli amefiwa na dada yake aitwae Monica Joseph Magufuli ambaye amefariki asubuhi ya 19 Agosti, 2018 katika Hospitali ya Bugando Mwanza akiwa na miaka 63 huku akiacha Watoto 9 na Wajukuu 25.
Watu mbalimbali maarufu wa Tanzania wametuma rambirambi zao kwa Rais Magufuli akiwemo Mwenyekiti wa CHADEMA Freeman Mbowe ambae alitumia ukurasa wake wa Instagram akiweka picha nyeusi isiyo na kitu na kuandika yafuatayo >>> “Kwa niaba ya Kambi Rasmi ya Upinzani Bungeni na wana CHADEMA wote, natoa pole na salaam za rambirambi kwa Mh.Rais @MagufuliJPM kwa kufiwa na dada yake Monica Magufuli, Mungu awape faraja, na ailaze roho ya marehemu mahali pema peponi”
Mwanasiasa mwingine maarufu aliempa pole Rais Magufuli ni Lazaro Nyalandu ambae October 2017 alijivua nafasi zote alizokua nazo CCM pamoja na kujiuzulu Ubunge, Nyalandu alipitisha salamu zake kupitia Twitter yake kama inavyoonekana hapa chini.
“Natoa POLE kwa Mh. Rais @MagufuliJP na familia yake kwa kufiwa na dada yake mpendwa, Monica Magufuli. Hakika, MAISHA yana thamani kubwa. MUNGU awafariji, na ampe dada yetu pumziko la milele mahali pema peponi, AMINA”
VIDEO: MBUNGE EASTER MATIKO AONYESHA NYUMBA YAKE YA DAR, BONYEZA PLAY HAPA CHINI KUITAZAMA
