Misaada ya kibinadamu kaskazini mwa Gaza, ambako Israel ilianzisha mashambulizi ya ardhini Oktoba 6, imezuiwa kwa kiasi kikubwa kwa siku 66 zilizopita, Umoja wa Mataifa umesema.
Mashambulizi hayo yamewaacha Wapalestina kati ya 65,000 na 75,000 bila kupata chakula, maji, umeme au huduma za afya, kwa mujibu wa shirika hilo la dunia.
Kwa upande wa kaskazini, Israel imeendelea kuzingira Beit Lahiya, Beit Hanoon na Jabaliya huku Wapalestina wanaoishi huko wamenyimwa msaada, Ofisi ya Umoja wa Mataifa ya Kuratibu Masuala ya Kibinadamu, inayojulikana kama OCHA, ilisema.
Hivi majuzi, ilisema, takriban watu 5,500 walihamishwa kwa lazima kutoka shule tatu huko Beit Lahiya hadi Gaza City.
Sigrid Kaag, mratibu mkuu wa Umoja wa Mataifa wa masuala ya kibinadamu na ujenzi wa Gaza, aliwaambia waandishi wa habari baada ya kutoa taarifa kwa Baraza la Usalama la Umoja wa Mataifa kwamba raia wanaojaribu kuishi Gaza wanakabiliwa na “hali mbaya kabisa.”
