Mkurugenzi wa Msama Promotions na muandaaji wa Matamasha ya Injili ambaye pia ni mdau mkubwa wa maendeleo ya sanaa nchini.
Alex Msama amepongeza jitihada mbalimbali zinazofanywa na Serikali ya awamu ya sita inayoongozwa na Rais wa Jamhuri ya Muungano wa Tanzania Dkt. Samia Suluhu Hassan ambapo amewaomba Watanzania wote kumuunga mkono Rais Samia.
Alex Msama amesema kuwa “Mheshimiwa Rais anafanya juhudi kubwa sana ili kuinua uchumi wa nchi yetu, wengi hawajamuelewa Rais ila naamini ipo siku watamuelewa”.
“Kulikuwa na mambo mengi sana ambayo hayakuwa sawa. Wafanyabiashara Kariakoo walikuwa wanagoma lakini kwa sasa wanafanya biashara zao vizuri na TRA wanakusanya kodi bila kumuonea mtu yeyote. Nawaomba Wabunge na Viongozi wa Chama cha Mapinduzi CCM kumuunga mkono Mhe. Rais wa Jamhuri ya Muungano wa Tanzania”, amesema Msama.
