Msemaji wa Hezbollah, Mohammad Afif, ameuawa katika shambulio la Israeli ambao limelenga, Jumapili hii, Novemba 17, Makao Makuu ya chama cha Baath, katikati mwa Beirut. Kifo chake kimethibitishwa na mkuu wa tawi la Lebanoni la Baath, Ali Hijazi, ambaye hakuwa kwenye jengo hilo wakati wa shambulio hilo..
Kwa mujibu wa vyombo vya habari vya kigeni, jeshi la Israel lilifanya mashambulizi ya anga kwenye eneo la makazi la Beirut siku ya Jumapili, matokeo yake msemaji wa Hezbollah, Muhammad Afif, aliuawa shahidi.
Msemaji wa Hezbollah Muhammad Afif, ambaye aliuawa shahidi katika shambulio la Israel, pia alikuwa mshauri wa kiongozi wa zamani wa Hezbollah Hassan Nasrallah, alipokuwa akihudumu kama msemaji wa Hezbollah tangu 2014.
Kwa mujibu wa habari, Muhammad Afif alikuwa katika makao makuu ya Chama cha Ba’ath kinachoungwa mkono na Hezbollah wakati wa mashambulizi ya Israel.
Hakuna onyo lililotolewa na Israel kabla ya shambulio hilo.
Kulingana na Wizara ya Afya ya Lebanon, Jeshi la anga la Israeli lilifanya shambulio la anga katika eneo la Ras al-Banna, ambapo jumla ya watu 4 waliuawa.
Jeshi la anga la Israel linasema lilifanyia kazi taarifa za kijasusi katika eneo hilo zilizosababisha kifo cha msemaji wa Hezbollah.
