Wakati dunia bado ikiendelea kuhangaika kutafuta Chanjo (Kingamwili), Mama mmoja wa huko nchini Singapore amejifungua mtoto ambae ana kingamwili (antibodies) dhidi ya Virusi vya Corona .
Celine Ng-Chang mwenye umri wa miaka 31, amejifungua mtoto huyo mwezi huu baada ya kufanikiwa kupona virusi vya Covid-19 akiwa mjamzito.
“Madaktari wameniambia kwamba ntakua nimemuhamishia Mtoto wangu kinga za Covid-19 nikiwa mjamzito “ amesema Mama huyo
Kwa mujibu wa wataalamu wa afya, mtu mwenye kingamwili za Covid-19 anaweza kutoambukizwa Virusi hivyo, japo bado haijafahamika ni kwa kiwango gani.
