Mume wa Malkia Elizabeth wa Pili, Prince Philip, amefariki dunia akiwa na umri wa miaka 99. Prince Philip alifunga ndoa na Malkia Elizabeth mwaka 1947 ikiwa ni miaka mitano kabla hajatawazwa kuwa Malkia ambaye mpaka sasa anashikilia rekodi ya kuongoza kwa muda mrefu.
Taarifa kutoka Buckingham Palace, makao makuu ya familia ya kifalme imesema Prince Philip aliyekuwa na matatizo ya moyo alifariki asubuhi ya leo katika Kasri ya Windsor.
Prince Philip na Malkia Elizabeth wana watoto wanne, wajukuu nane na vitukuu 10.
