polisi nchini Korea Kusini wanasema wameomba hati ya kukamatwa kwa mwanamke anayetuhumiwa kuwaua watoto wake wawili wachanga na kuweka miili yao kwenye freezer kwa miaka mingi.
Afisa wa Polisi wa Mkoa wa Gyeonggi Nambu aliiambia CNN mwanamke huyo, mwenye umri wa miaka 30, alikiri kuwaua watoto hao na kusema kwamba alifanya hivyo kwa sababu alikabiliwa na matatizo ya kiuchumi katika kuwalea watoto wake wengine watatu, wenye umri wa miaka 12, 10 na 8.
Watoto hao wachanga walikuwa na umri wa siku moja tu walipofariki, afisa huyo aliongeza.
Aliyedaiwa kuwa mwathiriwa wake wa kwanza alikuwa mtoto wake wa nne, aliyezaliwa hospitalini mnamo Novemba 2018.
Polisi wanadai kuwa alimnyonga msichana huyo siku moja baada ya kujifungua, na kuuweka mwili kwenye jokofu la nyumbani kwake na anatuhumiwa kufanya vivyo hivyo kwa mtoto wake wa tano, mvulana aliyezaliwa Novemba 2019.
Mumewe alisema alikuwa ameambiwa watoto hao wawili kuhusu taarifa za mimba , na kwa hivyo hakujua kuhusu madai ya mauaji, kulingana na polisi.
Kesi hiyo ilitambulika mwezi wa Mei wakati Bodi ya Ukaguzi ya serikali iligundua kuwa tangu kuzaliwa kwa watoto hao hawakuwahi kusajiliwa rasmi, ingawa kulikuwa na rekodi ya kuzaliwa kwao hospitalini.
Mnamo Juni 21, polisi walifanya msako na kumkamata nyumbani kwake mwanamke huyo, ambapo alikiri mauaji hayo, polisi wanasema.
Mwanamke huyo anatarajiwa kuhudhuria kikao cha kusikilizwa kwa hati ya kukamatwa kwake siku ya Ijumaa.
