Mwimbaji wa Jonas Brothers mwenye umri wa miaka 34 aliwasilisha kesi ya kukatisha ndoa hiyo katika Mahakama ya Jimbo la Miami-Dade huko Florida siku ya Jumanne.
Jalada linasema “ndoa kati ya wahusika imevunjika kwa njia isiyoweza kurekebishwa”, kulingana na karatasi zilizopatikana na shirika la habari la Associated Press.
Hata hivyo, Jonas ameendelea kuweka picha akiwa amevalia pete ya ndoa yake kwenye akaunti zake za mitandao ya kijamii.
Jonas Brothers kwa sasa wako kwenye ziara na walicheza show huko Austin, Texas siku ya Jumapili. Kufuatia tamasha hilo, Jonas alichapisha picha kwenye Instagram yake huku pete yake ikionekana wazi.
Turner, 27, na Jonas walioa katika sherehe ya siri huko Las Vegas mnamo 1 Mei 2019, baada ya Tuzo za Muziki za Billboard za mwaka huo.
Walifanya sherehe ya pili mwezi mmoja baadaye huko Chateau de Tourreau kusini mwa Ufaransa, pamoja na marafiki na familia zao.
Binti wa kwanza kati ya wawili wa wanandoa hao, Willa, alizaliwa mwaka wa 2020. Binti yao wa pili alizaliwa mwaka jana lakini hawajatangaza jina lake hadharani.
Jonas anatafuta ulinzi wa pamoja wa wasichana hao, kulingana na hati za talaka. Wanandoa hao walikuwa na makubaliano ya kabla ya ndoa ambayo Jonas anatarajia yatatekelezwa, kulingana na filin.
