January 02 2016 ni siku nyingine Jumamosi inayobeba kichwa cha habari cha ziara za ghafla za Mawaziri wa Rais Magufuli, hii ya leo wameongozana mguu kwa mguu Mawaziri watatu kwenda eneo la Vingunguti ambapo ni machinjio ya wanyama Dar es Salaam.
Mawaziri hao George Simbachawene, Dk. Hamisi Kigwangalla na Mwigulu Nchemba wamefanya ziara hiyo na kutoka na maagizo matatu.
>>> Mkuu wa mnada wa Pugu na watumishi waliokuwa zamu tar.24.12.2015 na tar.01.01.2016 watafute kazi nyingine (wamesimamishwa), wakati huohuo wahakikishe wanafika ofisi ya Katibu mkuu Wizara ya Waziri wa Kilimo, Mifugo na Uvuvi siku ya Jumatatu tar.04/01/2016.
>>> Waziri Mwigulu Nchemba amesitisha uchukuaji wa Ushuru eneo la mnada wa Pugu, badala yake makusanyo yote ya fedha za serikali hizo yatafanyika Machinjio ya Vingunguti kwa kutumia mashine za Elektroniki za EFD, mnada wa pugu utatoa vibali vya mifugo ili kudhibiti ubora wa mifugo inayopaswa kuchinjwa.
>>> Eneo la kuhifadhia nyama lililokuwa limejengwa kwa fedha za Wananchi kushirikiana na serikali lifunguliwe kwa ajili ya wananchi kulitumia kuhifadhia nyama, vilevile umeme uliokuwa umekatwa eneo hilo urudishwe kwa ajili ya kukurasisha shughuli za eneo hilo.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
