Mzozo kati ya Israel na Hamas umeenda zaidi ya vita na kuwa “ugaidi”, Papa Francis amesema.
Akihutubia hadhara yake katika uwanja wa St Peter’s Square, alisema amesikia moja kwa moja jinsi “pande zote mbili zinavyoteseka”.
“Hivi ndivyo vita vinafanya. Lakini hapa tumepita zaidi ya vita. Hii sio vita. Huu ni ugaidi,” alisema.
Alitoa maoni hayo baada ya kukutana na jamaa wa Israel wa mateka wanaoshikiliwa na Hamas na Wapalestina wenye familia huko Gaza.
Aliomba maombi ili pande zote mbili “zisiendelee na tamaa, ambazo mwishowe, zinaua kila mtu”.
