Chelsea wameambiwa Victor Osimhen atasitisha uhamisho wa kwenda Stamford Bridge lakini yuko tayari kujiunga na klabu ya Manchester United.
Fowadi huyo wa Napoli amekuwa akihusishwa pakubwa na uhamisho mkubwa wa majira ya kiangazi baada ya kufunga mabao 31 katika mechi 39 msimu uliopita, akishinda Serie A na kutinga robo fainali ya Ligi ya Mabingwa Ulaya.
Chelsea wamehusishwa na Osimhen huku United pia wakiripotiwa kutaka kusitisha nia yao ya kumnunua Harry Kane
“Haendi Liverpool au Chelsea kwa sababu hawachezi Ligi ya Mabingwa,” alisema kiungo wa zamani wa Napoli na Italia Salvatore Bagni.
“Kati ya timu zote zinazohusishwa naye, kwangu, angeenda Manchester United na Real Madrid pekee. Hapendezwi na timu nyingine.”
Napoli hawataki kumuuza Osimhen msimu huu wa joto lakini rais wa klabu Aurelio de Laurentiis amekiri kwamba ofa kubwa itakuwa ngumu kukataa.
