Uongozi wa Yanga SC kupitia idara yao ya habari na mawasiliano wametangaza kuwa wameshindwa kutua katika uwanja wa ndege Dodoma kutokana na taa za uwanja huo kushindwa kuwaka.
Kikosi cha Wachezaji wa Yanga SC waliokuwa safarini kuelekea Singida kupitia Dodoma, kimerejea salama jijini Dar es Salaam mara baada ya changamoto hiyo kutokea.
Yanga SC wanatakiwa kuwepo Singida Mei 4 2023 kukipiga dhidi ya Singida Big Stars ikiwa sehemu ya muendelezo wa michezo yao ya Ligi Kuu Tanzania bara 2022/2023.
