Mchezaji wa Timu ya Taifa ya Tanzania Taifa Stars Novatus Dismas Miroshi (20) amejiunga na Club ya Shakhtar ya Ukraine kwa mkopo hadi mwisho wa msimu 2023/24, Nova amejiunga na Shaktar akitokea Zulte Waregem ya Ubelgiji.
Hii itampa fursa ya kuandika historia ya kucheza UEFA Champions League msimu wa 2023/2024 na timu ya Shaktar imepangwa Kundi H na timu za FC Barcelona ya Hispania, FC Porto ya Ureno na Royal Antwerp ya Ubelgiji.
Novatus Dismas alizaliwa Tanga September 2 2002 na alianzia soka lake katika timu ya vijana ya Azam FC baadae akaenda Biashara kwa mkopo kisha akarejea Azam FC kabla ya 2020 kuhamia Maccabi Tel Aviv ya Israel ambao 2021/22 walimtoa kwa mkopo Beitar Tel Aviv ambako alicheza mechi 26 na kufunga goli moja.
Mwaka 2022 majira ya kiangazi akajiunga na Zulte Waregem ya Ubelgiji kwa miaka mitatu ambapo alicheza mechi 38 na kutoa assist 2, Novatus alianza kucheza Taifa Stars kwa mara ya kwanza September 2 2021 hadi sasa ameichezea Taifa Stars mechi 13 na kufunga magoli 2.
