Rais wa Jamhuri ya Muungano wa Tanzania, Dkt. Samia Suluhu Hassan amekutana na kuongea na Wageni wake Rais Yoweri Museveni wa Uganda na Rais William Ruto wa Kenya walipowasili Ikulu ndogo Tunguu Zanzibar March 14, 2024.
‘Nimekuwa na wakati mzuri jana Ikulu ndogo, Tunguu Zanzibar, nikiwa na Mheshimiwa Rais Yoweri Museveni na Mheshimiwa Rais William Ruto.
Pamoja na mambo mengine tumejadiliana kuhusu 1. Kuongeza kasi ya kupatikana kwa Shirikisho la Afrika Mashariki.
2. Hatua za kuchukua na kutekeleza ili kuhakikisha wananchi wa eneo la Afrika Mashariki wananufaika na faida za kiuchumi kwa soko na fursa tulizonazo.
3. Umuhimu wa ulinzi na usalama kama moja ya nguzo muhimu kutuwezesha kufikia yale tunayokusudia’- Rais wa Jamhuri ya Muungano wa Tanzania, Dkt Samia Suluhu Hassan
