Usiku wa April 25 2018 mchezo wa nusu fainali ya pili ya UEFA Champions League kati ya FC Bayern Munich ya Ujerumani dhidi ya Real Madrid ya Hispania imechezwa leo katika uwanja wa Allianz Arena huo ukiwa ndio mchezo wa kwanza ambapo baadae Bayern watacheza game ya marudiano Santiago Bernabeu.
Leo Real Madrid wakiwa ugenini wamefanikiwa kupata ushindi wa magoli 2-1 dhidi ya FC Bayern, magoli ya Real Madrid yakifungwa na Marcelo dakika ya 44 na Asensio dakika ya 57, Bayern Munich ndio wa kwanza kufunga goli dakika ya 28 kupita kwa Joshua Kimmich ambaye rekodi yake imevunjwa leo kwani hakuna game ya Bayern ya Champions League aliyowahi kufunga goli halafu wakapoteza, wameshinda game 10 na kutoka sare 2.
Hata hivyo staa wa Real Madrid Cristiano Ronaldo leo ameharibu rekodi yake katika michuano ya UEFA Champions League msimu wa 2017/2018, kwani leo ndio game yake ya kwanza msimu huu kucheza bila kufunga wakati mwenzake Marcelo amefanikiwa kuendeleza rekodi yake, Real Madrid wamefunga mechi 32 kati ya game 33 ambazo Marcelo amewahi kufunga za mashindano yote.
VIDEO: Mapokezi ya Yanga Airport DSM na alichokisema kocha wao
