Mabingwa hao wa Ufaransa watatathmini chaguo lao mwisho wa msimu huu, huku kocha mkuu wa sasa Christophe Galtier akimaliza kandarasi mnamo 2024.
Mustakabali wa Mourinho kama kocha wa Roma hauna uhakika kuelekea majira ya joto ambapo meneja huyo wa zamani wa Manchester United anaweza kufikiria kubadili klabu
Kocha huyo mwenye umri wa miaka 60 ana uhusiano mkubwa na mkurugenzi wa michezo wa PSG Luis Campos baada ya wawili yao kufanya kazi pamoja Real Madrid.
Mourinho, ambaye kandarasi yake ya Roma itamalizika mwishoni mwa msimu ujao, aliiongoza timu hiyo ya Italia kunyakua taji la kwanza la Uropa tangu 1961 na ushindi katika Ligi ya Mikutano ya Uropa msimu uliopita.
meneja huyo wa zamani wa Manchester United analenga kupata mafanikio mfululizo ya Ulaya akiwa na Roma, ambao watamenyana na Bayer Leverkusen ya Ujerumani katika nusu fainali ya Ligi ya Europa na mkondo wa kwanza nchini Italia siku ya Alhamisi.
Hadi sasa Roma inashika nafasi ya saba, pointi tano nje ya nafasi za Ligi ya Mabingwa huku ikiwa imesalia na mechi nne.
Kocha huyo mkuu wa zamani wa Tottenham bado hajafuzu nchini Ufaransa na uwezekano wa kuhamia PSG utamfanya achukue mikoba ya kuinoa klabu yake ya 10 baada ya Chelsea, Real Madrid na Inter Milan.
PSG inajiandaa kwa msimu wa joto huku Lionel Messi akitarajiwa kuondoka katika klabu hiyo, huku Neymar akikabiliwa na mustakabali usio na uhakika kwani klabu hiyo bado inasaka taji la kwanza la Ligi ya Mabingwa.
PSG, ambao walitupwa nje ya Ligi ya Mabingwa na Kombe la Ufaransa msimu huu katika hatua ya 16 bora, wamo kileleni mwa Ligue 1 kwa pointi sita zikiwa zimesalia mechi nne.
