Baada ya kuwa kuna kila dalili ya uhamisho wa Pedro Rodriguez kujiunga na klabu ya Manchester United kukamilika akitokea FC Barcelona ya Hispania, Neymar ameomba mpango huo usitishwe kwa sasa hadi mchezo wa Super Cup upite.
Licha ya kuwa Neymar ni mgonjwa na atakuwa nje ya uwanja kwa wiki mbili lakini ameiomba klabu yake imuongezee wiki moja ya ziada kabla ya kurejea uwanjani na amependekeza Pedro asiondoke hadi mchezo wa Super Cup kati ya FC Barcelona dhidi ya Sevilla umalizike.
Mchezo huo utapigwa Jumanne ya August 11 utazikutanisha timu hizo ambazo ni washindi wa makombe ya Ulaya, Sevilla wakiwa wametwaa kombe la UEFA EUROPA LEAGUE huku FC Barcelona ikiwa imetwaa Kombe la Ligi ya Mabingwa Ulaya.
Hata hivyo Pedro atajiunga na klabu ya Manchester United baada ya FC Barcelona kufikia makubaliano ya ada ya uhamisho wa pound milioni 22.3, Pedro anaondoka FC Barcelona baada ya kuwa hapati nafasi ya kuanza kikosi cha kwanza mara kwa mara toka awasili Luis Suarez.
PAPO KWA PAPO zipate habari zote zinazonifikia za siasa muziki, michezo, maisha, Breaking news na nyingine kwa kujiunga hapa na mimi >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos
