Ni siku kadhaa zimepita toka kocha wa klabu ya FC Bayern Munich ya Ujerumani Pep Guardiola atangaze kuwa hatoendelea kuifundisha FC Bayern Munich, baada ya msimu kumalizika, bali ataendelea kutafuta changamoto mpya sehemu nyingine ila sana ana husishwa kwenda kujiunga na klabu ya Man City ya Uingereza, kwani ndio nchi ambayo ana mpango wa kwenda kufanya kazi.
Kocha wa sasa wa klabu ya Man City Manuel Pellegrini ambaye anatajwa kuwa katika wakati mgumu kuishawishi bodi ya klabu hiyo iendelee kumuamini, anatajwa kama nafasi yake ikichukuliwa na Pep Guardiola basi yeye huenda akaenda kujiunga na klabu ya Chelsea ya Uingereza ambayo nayo ina kocha wa muda baada ya kumfukuza Jose Mourinho.
Kauli ya Pep Guardiola wakati akithibitisha kuwa hana mpango na FC Bayern Munich baada ya msimu kumalizika “Nina fursa ya kufanya kazi Uingereza, nafikiri nina umri sahihi na wakati sahihi wa mimi kwenda huko. Ni kweli nimepokea ofa kadhaa kutoka Uingereza lakini siwezi kuongelea zaidi kwa sababu sijasaini klabu yoyote”
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
