Katibu Mkuu wa UVCCM Taifa, Kenani Kihongosi jana Juni 23,2022 ameongoza maelfu ya vijana kwenye matembezi kutoka katika Uwanja wa Benjamini Mkapa mpaka kwenye viwanja vya Muembe Yanga Temeke Jijini Dar es Salaam katika uzinduzi wa uhamasishaji wa Sensa ya Watu na Makazi.
Akizungumza katika uzinduzi huo, Kihongosi amesema sensa ni msingi wa maendeleo lakini sensa inachochea maendeleo, Serikali inapokwenda kutambua Watu wake ni dhahiri kwamba itapeleka kulingana na idadi ya Watu wake.
“Tumeona baadhi ya maeneo kumekuwa na changamoto, kwanza Watu walipohesabiwa mwaka 2012 , wengine hawakuhesabiwa ,sasa Serikali inapopeleka fedha kama inalenga hospitali, ujenzi wa Shule, kuboresha huduma inapeleka kwa idadi ya namba ambayo imeandikishwa, kumbe idadi ya Watu ni kubwa”
“Sisi Umoja wa Vijana wajibu wetu mkubwa ni kuhakikisha tunaungana na Serikali na kuwaleza Watanzania wote wakiwemo vijana wenzetu kwamba sensa ni kitu muhimu na tunaisadia Serikali katika kusukuma ajenda ya maendeleo”
