Usiku wa tarehe 25 Novemba 2023, Taasisi isiyo ya kiserikali inayojulikana kama ‘Young CEO’ imefanya hafla ya ugawaji Tuzo kwa wakurugenzi watendaji “vijana” waliopambana kufanikisha na kusimamisha makampuni au taasisi zao ambazo zimekuwa zikitoa fursa za ajira Kwa vijana wengi nchini Tanzania.
Katika hafla hiyo mgeni rasmi alikuwa Waziri wa Habari, Mawasiliano na Teknolojia ya Habari Mh Nape Nnauye aliyewapongeza na kuwapa moyo vijana katika uwekezaji na kuhamasisha ubunifu kwa dhumuni la kuwaona MaCEO wengi zaidi duniani wakiwa ni vijana kutokea barani Africa hususani nchini Tanzania.
Miongoni mwa vijana Ma-CEO waliopokea Tuzo usiku huu ni Pamoja na Muanzilishi na Mkurugenzi wa AyoTV, Millard Afrael Ayo kama Best CEo of the year katika kupengele cha “Outstanding Performance In Digital Media”
