Ni Mei 18, 2023 ambapo Rais wa Jamhuri ya Muungano wa Tanzania , Samia Suluhu Hassan alishiriki shughuli ya Uzinduzi wa minara ya DTT katika ofisi za Azam Media Limited.
Miongoni mwa yaliyojiri Rais Samia alikutana na Mtoto mwenye ndoto za kuwa Rais wa Jamhuri ya Muungano wa Tanzania.
Georgina ambaye pia alikuwa na ndoto ya kukutana na Mhe. Samia Suluhu Hassan ametimiza ndoto yake hiyo baada ya Leo kukutana naye kwenye Hafla ya Uzinduzi wa Minara ya Kurusha Matangazo ya TV Ardhini
‘Ni Katoto…kajukuu ka kiafrika…ambako kana mtazamo wa mbele na mtazamo mkubwa. Kameanza kazi ya kuandika vitabu kwa umri ule…Mungu amkuze…Mungu amnyooshee afike pale anapotaka…” – Rais Samia akitoa baraka kwa mtoto Georgina Magesa, mwenye ndoto za kuwa Rais wa Jamhuri ya Muungano wa Tanzania, aliyekutana naye leo katika uzinduzi wa minara ya mfumo wa urushaji wa matangazo ya televisheni ya Azam Media Limited kwa kutumia antenna (DTT).
