Rais wa Tanzania Dkt. Samia Suluhu Hassan ameshiriki Kilele cha Tamasha la Kizimkazi- Paje Visiwani Zanzibar leo August 31,2023 ambapo amesema kutokana na maboresho makubwa yaliyofanywa, Tamasha hilo mwaka huu limefana sana.
“Tamasha hili la Kizimkazi madhumuni yake makubwa ni kujitathmini na kujipanga kimkakati kwa ajili ya maendelo ya Wilaya yetu ya Kusini , kila mwaka tumekuwa tukifanya maboresho na leo Tamasha limefana sana”
“NMB wamezindua tawi lao hapa Paje, nimezindua jana na Benki imeanza kazi tayari na imepata Wateja wa kutosha na habari njema ni kwamba hata Mimi ni Mteja wa Benki ya NMB hapa Paje”
“Kwenye Tamasha hili kuna Wiki ya vyakula vya kusini, kuna vyakula vimeanza kutoweka, leo ukipika makopa Watoto wanasema umepika muhogo mbovu wakati ni chakula chetu Wilaya ya Kusini kwahiyo Tamasha linasadia kurithisha chakula cha asili”
