Mwenyekiti wa Machifu wa Mkoa wa Mbeya, Chifu Roketi Mwanshinga kwa niaba ya machifu wa Mbeya wamempa Katibu wa Halmashauri Kuu ya Chama Cha Mapinduzi Taifa, Itikadi, Uenezi na Mafunzo Ndugu. Paul Makonda heshima ya Uchifu NJENDAGE jina lenye maana ya “Tembea Popote”.
Katika kumpa heshima hiyo, Wamemvisha shuka jeupe kwa maana ya Nchi ya Tanzania ni nyeupe na haina doa hivyo nae katika utekelezaji wa majukumu yake hakuna Doa.
Pia, wamemkabidhi na kumkalisha kwenye Kigoda cha miguu 3 ambacho atatakiwa kukilalia kabla hajatoka nyumbani kwake wakati akiwa anaelekea kutekeleza majukumu yake na kigoda hicho kitamsaidia kumuongoza.
Aidha, amepewa Silaha ya Mkuki ikiwa kama fimbo ya ujasiri na upambanaji.
Vilevile amepewa zawadi ya mnyama Mbuzi atakayeweza kumtumia kama kitoweo mara baada ya kumaliza ziara yake.
