Wanachama wa Chama cha Demokrasi na Maendeleo CHADEMA Jijini Mwanza wanaendelea kujitokeza kwenye Maandamano ya amani yanayoanzia Igoma, Ilemela na Buhongwa kuelekea viwanja vya Furahisha Jijini Mwanza.
Maandamano hayo yenye misafara mitatu kwa upande wa Igoma yanaongozwa na Mwenyekiti Freeman Mbowe, msafara wa kutokea Buhongwa kupitia barabara Kuu ya Kenyatta inaongozwa na Makamu Mwenyekiti Tundu Lissu, huku Katibu Mkuu John Mnyika msafara wake unatokea barabara ya Airport Ilemela.
Kilele cha Maandamano ya amani kinafanyika katika viwanja wa Furahisha ambapo Viongozi wa Chadema wanatazungumza na Wananchi na Wafuasi wa Chama hicho.
