Klabu ya Paris Saint-Germain (PSG) inaripotiwa kuwa inamtaka beki wa kati wa AC Milan, Theo Hernandez, ambaye siku za nyuma alikuwa akihusishwa na Manchester United.
Hernandez, 26, amekuwa mchezaji muhimu wa Rossoneri kwa miaka mingi, akifunga mabao 25 na asisti 28 katika michezo 175 katika mashindano yote tangu awasili mwaka wa 2019,hiyo inajumuisha pasi moja ya bao katika mechi tisa za mashindano kwa viongozi hao wa Serie A.
Ana kandarasi na Milan hadi 2026 na ana thamani ya soko ya €70 milioni. Walakini, hilo halijazuia vilabu vya juu kumfuatilia. PSG wako tayari kulipa kiasi hicho, kwa mujibu wa Todo Fichajes.
Walakini, ikizingatiwa kuwa amesaini kandarasi huko San Siro kwa miaka mitatu zaidi, Milan wataomba mengi zaidi ili kumwachilia.
Cha kufurahisha, Mfaransa huyo pia anavutiwa na Manchester United,lakini, kwa kuzingatia thamani yake katika kilabu na kwamba hakuna mbadala wa ubora sawa wa Hernandez, Milan hawana uwezekano wa kuidhinisha kuuzwa kwake hivi karibuni. Kwa sasa anapokea Euro milioni 4 kila mwaka huko San Siro.
