Kutoka nchini Marekani, mwanamke mmoja anaripotiwa kufariki dunia baada ya kurushwa nje ya kioo cha ndege aliyokuwa amepanda na abiria wengine kufanikiwa kumwokoa kutoanguka hadi chini kabisa.
Inaelezwa kuwa tukio hili lilitokea baada ya injini ya ndege hiyo kupasuka hivyo kutoboa pia kioo cha dirisha ambacho mwanamke huyo alikuwa amekaa, jambo lililopelekea nusu ya mwili wake kutolewa nje ya ndege hiyo na abiria wengine kumrudisha ndani akiwa amejeruhiwa.
Baada ya kutokea kwa tukio hilo, ndege hiyo Southwest Airlines Flight 1380 ilibidi kutua kwa dharura eneo la Philadelphia ambapo inaripotiwa watu wengine nane wamejeruhiwa.
Mwanamke huyo aliyejulikana kwa jina la Jennifer Riordan anaripotiwa kuacha watoto wawili na alikuwa Makamu wa Rais wa benki huko New Mexico.
BREAKING: Polepole anazungumzia Ripoti ya CAG na mengine
