Golikipa wa zamani wa timu ya taifa ya Tanzania Taifa Stars ambaye kwa sasa anaichezea timu ya Kagera Sugar ya Bukoba Juma Kaseja ametangazwa kuwa mchezaji bora wa mwezi January wa Ligi Kuu Vodacom msimu wa 2016/2017.
Kaseja ametangazwa mshindi wa tuzo hiyo aliyokuwa anawania na wachezaji wengine wawili, ambao ni Mbaraka Abeid anayecheza nae Kagera Sugar na Jamal Mtengeta anayeichezea Toto African ya Mwanza, Kaseja sasa atapewa zawadi ya Tsh milioni moja kutoka Vodacom.
Kipa huyo ambaye amewahi kuvichezea vilabu vya Simba na Yanga kwa nyakati mbili tofauti na baadae kujiunga na Mbeya City kabla ya kujiunga na Kagera Sugar, takwimu zake za mwezi January zinaonesha kafungwa goli moja katika mechi zao tatu za January, huku timu yake ikifunga magoli 6.
FULL HD: All goals N’gaya vs Yanga February 12 2017, Full Time 1-5
