Rais Magufuli amewapongeza na kuwatakia heri Wafanyakazi wote hapa nchini ambao leo Mei 01,2020 wanaadhimisha siku ya Wafanyakazi (Mei Mosi), mwaka huu sherehe za Mei Mosi hazitafanyika ili kuepusha mikusanyiko katika kujikinga na corona, JPM amewataka pia Waajiri kutotumia kigezo cha corona kuwanyanyasa Wafanyakazi.
Rais Magufuli amesema licha ya kwamba sherehe za Mei Mosi hazitafanyika mwaka huu, Serikali inatambua mchango unaotolewa na Wafanyakazi katika ujenzi wa Taifa na itendelea kusimamia maslahi yao na kuboresha mazingira ya kazi>>“endeleeni kuchapa kazi huku mkijikinga na corona”
“Wafanyakazi wenzangu nawapongeza sana kwa kuchapa kazi, nipo pamoja nanyi na natambua kazi nzuri mnayofanya, katika kipindi hiki ambacho Dunia inakabiliana na corona sisi tuendelee kuchapa kazi, kamwe ugonjwa huu usiwe sababu ya kurudi nyuma na kuacha kuwahudumia Watanzania, naamini Mungu atatuvusha”-JPM
