“Nakushukuru Chakwera kwa kutufanya miongoni mwa Nchi za mwanzo kuzitembelea, ndani ya kipindi cha Mwezi usiozidi mmoja tumetembelewa na Marais wa Burundi,Uganda na Malawi, ukiona unatembelewa mara nyingi tena kipindi cha Kampeni unajua nashinda Urais”-JPM mbele ya Chakwera, Ikulu DSM leo
“Tumekubaliana kushirikiana kwenye mambo mengi Madini, Uvuvi, Biashara, tutawapa pia mbinu za ukusanyaji kodi zaidi kama tulivyofanikiwa, wana mpango wa kuongeza zao kule na wameonesha interest zaidi kwenye korosho tutawapa ushirikiano” -JPM
“Namshukuru Chakwera kwa kuja, tena amekuja na Mke wake Monica, nimefurahi amemleta Shemeji yangu mwenye jina la Marehemu Dada yangu Monica ambaye tulimpenda sana kwenye Ukoo wetu, na nimemuambia hana sababu ya kuondoka mapema, anaweza kwenda hata Zanzibar”-JPM
“Tuna Makampuni 8 kutoka Malawi ambayo yamewekeza Tanzania na hadi sasa yameajiri Watanzania 390, pia Tanzania kuna Makampuni yamewekeza Malawi wakiwemo Azam, Mohammed Enterprises, Mount Meru nk, tunataka biashara ipande zaidi kati ya Nchi hizi mbili”-JPM
