“Nawapongeza mmekuwa nafasi ya pili na kama walivyosema ni mambo ya kikanuni vinginevyo tungekuwa tunaongea mengine, mmetutoa kimasomaso hongereni sana, mafanikio haya hayakuja kwa kubahatisha ni matokeo ya jitihada za Wachezaji, Kocha na Viongozi wa Timu na Kamati tendaji”
“Naipongeza Wizara ya Sanaa, Utamaduni na Michezo kwa ushirikiano mlioutoa kwa Yanga, nawapongeza Mashabiki wa Yanga bila kuwasahau Mzee Mpili na Jimmy Kindoki kwa hamasa mliyotoa kwa Vijana wa Yanga”
“Shukrani ziende pia kwa Karia na Mtunza kapu la magoli Gerson Msigwa nimshukuru kwamba fedha yote iliyokuwa inatolewa alikuwa anaitoa kwa wakati, namshukuru pia Matindi Mkurugenzi Mkuu wa ATCL tulipomtaka atoe ndege aliitoa kwa wakati ingawa ameniletea invoice ya kulipa lakini ile kukubali ndege iende namshukuru”
“Nichukue nafasi hii kumtambulisha Rubani Neema Swai namshukuru kwa kutuletea ndege yetu ya mizigo mali yetu wenyewe tunakushukuru sana”
