Mamlaka ya uchaguzi nchini Chad imewafuta wagombea 10 katika uchaguzi wa rais uliosubiriwa kwa muda mrefu mwaka huu.
Ni pamoja na uteuzi wa Rais wa mpito Mahamat Idriss Deby na Waziri Mkuu aliyeteuliwa hivi karibuni wa nchi hiyo Succes Masra.
Siku ya Jumapili Baraza la Katiba la taifa hilo la Afrika ya kati lilitangaza orodha hiyo ambayo ilionyesha kuwa viongozi wa upinzani Nassour Ibrahim Neguy Koursami na Rakhis Ahmat Saleh watazuiwa kushiriki katika uchaguzi huo. “Maombi yao yalikuwa yamekataliwa kwa sababu yalijumuisha “makosa” ilisema taarifa ya baraza.
Ni mara ya kwanza katika historia ya Chad kwamba rais na waziri mkuu watakabiliana katika uchaguzi wa urais ambao duru ya kwanza ya upigaji kura itafanyika Mei 6 na duru ya pili ya muda ikipangwa kufanyika Juni 22.
Uchaguzi huo ni sehemu ya mabadiliko ya kurejea demokrasia kutoka kwa serikali ya kijeshi ya Chad. Matokeo ya muda yanatarajiwa tarehe 7 Julai.
