Bado headlines zinazidi kuchukua nafasi kuhusu hatma ya staa wa kimataifa wa Senegal anayeichezea Liverpool ya England Sadio Mane kujua kama ataendelea kuitumikia timu yake ya Liverpool hivi karibuni au jeraha lake la goti litahitaji akae nje uwanja hadi mwisho wa msimu.
Mtandao wa thisisanfield.com umeripoti kuwa uchunguzi bado unafanyika kuweza kufahamu kama Sadio Mane ataweza kurejea uwanjani mapema au atafanyiwa upasuaji na kukaa nje ya uwanja kwa kipindi chote cha msimu kilichosalia, maamuzi rasmi yatajulikana baada ya saa 48 kutokea sasa.
Mane alitolewa uwanjani wakati wa mchezo wa upinzani mkubwa katika jiji la Liverpool dhidi ya Everton siku ya Jumamosi lakini leo zimetoka taarifa za kuwa staa huyo yupo katika hatari ya kumalizia msimu huu nje ya uwanja.
Liverpool wataamua ndani ya saa 48 kuacha Sadio Mane afanyiwe upasuaji wa goti na kumaliza msimu nje ya uwanja au la #MillardAyoUPDATES pic.twitter.com/SccJVlnwlF
— millard ayo (@millardayo) April 5, 2017
ALL GOALS: Taifa Stars vs Botswana March 25 2017, Full Time 2-0
