Jeshi la Ukraine lilisema Alhamisi majeshi ya Russia yameshambulia mikoa kadhaa usiku kucha yakitumia ndege zisizo kuwa na rubani 35.
Jeshi la anga la Ukraine lilisema kuwa mfumo wa ulinzi wa anga ulitungua droni zote isipokuwa moja tu, huku hayo yakifanyika katika anga ya Kyiv, Dnipropetrovsk, Kherson, Mykolaiv, Chernihiv na maeneo mengine.
Hakuna ripoti za vifo au uharibifu katika maeneo mashambulizi yalipotokea.
Katika mji wa kusini wa Nikopol. Katika mkoa wa Dnipropetrovsk, maafisa walisema kombora la Russia limeua watu wawili.
Gavana wa mkoa Serhiy Lysak alisema kwenye mitandao ya kijamii kuwa mwanaume mwenye umri wa miaka 86 pia alipelekwa hospitali.
Lysak alisema shambulizi lililofanywa na Russia limeharibu nyumba za makazi kadhaa na majengo ya shambani.
