Winga wa Manchester United, Jadon Sancho ameifungia akaunti yake ya Instagram kutokana na machafuko yake na meneja Erik ten Hag yanayoendelea.
Mchezaji huyo mwenye umri wa miaka 23 aliachwa nje ya kikosi cha United siku ya mechi katika kichapo cha 3-1 kutoka kwa Arsenal mapema mwezi huu.
Ten Hag alidai mshambuliaji huyo wa Uingereza alicheza vibaya mazoezini lakini mchezaji huyo wa kimataifa wa Uingereza alikanusha madai hayo.
Hata alipendekeza kuwa meneja wake alikuwa akimfanya kuwa mbuzi wa kafara katika chapisho ambalo sasa limefutwa kwenye X (zamani Twitter).
Mvutano kati ya wawili hao umeonekana kuzidi kupambamoto na ameamua kufuta akaunti yake ya Instagram ‘sanchooo10’ na haipatikani tena kufikia hii leo.
Mhitimu huyo wa zamani wa akademi ya Manchester City amepitia kipindi kibaya akiwa Manchester United tangu alipowasili kutoka BvB mwaka 2021 kwa pauni milioni 73.
Ameweza kufunga mabao 12 na asisti sita katika michezo 86 katika mashindano yote.
