Spika Tulia Ackson atembelea makumbusho ya kaburi la Rais wa kwanza wa Ghana

Spika wa Bunge la Jamhuri ya Muungano wa Tanzania Mhe. Dkt. Tulia Ackson, leo tarehe 6 Oktoba, 2023 ametembelea makumbusho ya kaburi la Rais wa kwanza wa Jamhuri ya Ghana hayati Dkt. Kwame Nkrumah yaliyopo Jijini Accra, Ghana.

Hayati Nkrumah alizaliwa Septemba 21, 1909 huko Nkroful, Ghana na kufariki Aprili 27, 1972. Aliongoza nchi hiyo kupata Uhuru mwaka 1957 na kuwa Rais wa kwanza.

Nkrumah alikuwa Mwasisi wa wazo la kuundwa kwa Shirikisho la nchi za Afrika, wazo lililozaa Umoja wa nchi huru za Afrika (OAU, sasa AU).