Timu ya taifa ya Tanzania Taifa Stars usiku wa August 22 ilikuwa iende Oman kucheza mechi moja ya kirafiki na timu ya taifa ya nchi hiyo kabla ya kwenda Instabul Uturuki kuweka kambi kwa ajili ya maandalizi ya mechi ya michuano ya kuwania kupata tiketi ya kucheza michuano ya AFCON 2017.
Stars ambayo inajiandaa na mchezo dhidi ya timu ya taifa ya Nigeria Super Eagles mchezo utakaochezwa Septemba 5 Uwanja wa Taifa Dar Es Salaam imefuta safari hiyo baada ya Oman kushindwa kukizi vigezo vya FIFA vya kuandaa mechi za kimataifa za kirafiki.
Hivyo Taifa Stars itaondoka Dar Es Salaam August 23 kuelekea moja kwa moja Instabul Uturuki na mpango wa kwenda Oman umekufa tena, Stars itaweka kambi ya siku nane kabla ya kurejea Dar Es Salaam kuwa subiri wageni wao Nigeria Super Eagles, huu utakuwa ni mchezo wa pili kwa Stars baada ya ule wa kwanza kufungwa 3-0 na Misri.
PAPO KWA PAPO zipate habari zote zinazonifikia za siasa muziki, michezo, maisha, Breaking news na nyingine kwa kujiunga hapa na mimi >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos
