Mshambuliaji wa kimataifa wa Ureno anayeichezea Juventus ya Italia Cristiano Ronaldo ameonekana katika jiji la Barcelona akiwa na mpenzi wake Georgina Rodriguez kabla ya kwenda Turin kufanya vipimo vya afya zaidi kutokana na majeraha yake aliyoyapata akiwa na timu yake ya taifa ya Ureno.
Imeripotiwa kuwa Ronaldo ameenda Barcelona Hispania kwa ajili ya mazunguzo na wawakilishi wa kampuni ya Nike, ambayo amekuwa na mkataba nayo wa kibiashara kwa muda mrefu sasa, hivyo ameanza katika mkutano kabla ya kwenda kufanyiwa vipimo zaidi mjini Turin Italia katika makao makuu ya club yake, ili kupata uhakika wa kina kuhusiana na hofu kama watakuwa nae katika mchezo wa Champions League dhidi ya Ajax au la.
Ronaldo alilazimika kutolewa nje ya uwanja dakika ya 31 ya mchezo kufuatia kuumia kwake misuli dhidi ya Serbia katika mchezo wa kuwania kufuzu Euro 2020, wakati ambao Ronaldo anaumia na kutolewa nje timu yake ilikuwa nyuma kwa goli 1-0 lililokuwa limefungwa na Dusan Tadic dakika ya 7 ya mchezo, pamoja na Ureno kumkosa Ronaldo walifanikiwa kusawazisha dakika ya 42 kupitia kwa Pereira na game kumalizika kwa sare ya 1-1.
Msimamo wa Samatta kuhusu hatma ya Kapombe katika mgao wa Taifa Stars
