Gaza inataka hatua zichukuliwe kukomesha mashambulizi ya Israel kwenye hospitali ya Shifa
Wizara ya Afya ya Palestina huko Gaza imetoa wito kwa Umoja wa Mataifa na taasisi nyingine za kimataifa kukomesha mashambulizi yanayoendelea Israel katika eneo la Hospitali ya Al Shifa ambayo yameua wagonjwa, wakimbizi na wafanyakazi wa matibabu.
Wizara hiyo katika taarifa yake ilisema moto ulizuka kwenye lango la kuingilia, ukiashiria kulikuwa na wanawake na watoto wanaojihifadhi katika hospitali hiyo ambao waliathiriwa na moshi huo.
Imeongeza kuwa mawasiliano yalikatika, na idadi kubwa ya wakimbizi walikwama katika jengo la jumba la oparesheni na idara ya dharura. Kila aliyekaribia madirisha alilengwa.
