Takriban Wapalestina 107 waliuawa na wengine 142 kujeruhiwa katika muda wa saa 24 zilizopita wakati Israel ikiendelea na mashambulizi yake kwenye Ukanda wa Gaza uliozingirwa, Wizara ya Afya ya Palestina ilisema Ijumaa.
“Uvamizi wa Israel ulifanya mauaji 13 dhidi ya familia katika Ukanda wa Gaza, na kuacha mashahidi 107 na 142 kujeruhiwa katika saa 24 zilizopita,” wizara hiyo ilisema katika taarifa.
“Watu wengi bado wamenasa chini ya vifusi na barabarani kwani waokoaji hawawezi kuwafikia,” ilisema taarifa hiyo.
Ikipuuza uamuzi wa muda wa Mahakama ya Kimataifa ya Haki, Israel inaendelea na mashambulizi yake kwenye Ukanda wa Gaza ambapo Wapalestina wasiopungua 27,947 wameuawa, wengi wao wakiwa wanawake na watoto, na 67,459 kujeruhiwa tangu Oktoba 7, kulingana na mamlaka ya afya ya Palestina.
Israel imeshambulia Ukanda wa Gaza tangu shambulio la kuvuka mpaka la Hamas, ambalo Tel Aviv inasema liliua karibu watu 1,200.
