Takriban Wapalestina 25 wameuawa, wakiwemo watoto 13, na wengine 30 kujeruhiwa katika shambulizi la kabla ya alfajiri la Israel dhidi ya nyumba moja katika eneo la Jabalia kaskazini mwa Gaza ambayo imekuwa ikizingirwa kwa wiki kadhaa, shirika la ulinzi wa raia la Gaza lilisema Jumapili.
Ripota wa kituo cha utangazaji cha Qatar Al Jazeera aliweka picha za miili hiyo kutoka eneo la tukio kwenye X, akisema takriban watu 32 wameuawa na kwamba idadi ya waliofariki ni kubwa zaidi hadi sasa katika Jabalia, ambapo mamia ya watu wameuawa tangu. operesheni ya Israel ilianza mwezi uliopita.
Anas al-Sharif amesema nyumba hiyo ni ya familia ya Aloush na kwamba hakuna vyombo vya ulinzi vya raia au gari la kubebea wagonjwa lililoweza kufika eneo hilo kutokana na mzingiro wa Israel na kwamba wenyeji wanaendelea kutafuta wahanga zaidi.
