Wanaume wawili waliuawa kwa kupigwa risasi katika mauaji mawili yaliyoandaliwa katika uwanja wa michezo nchini Afganistan na kuamriwa na Taliban.
Maelfu walitazama watu hao – Syed Jamal kutoka jimbo la kati la Wardak na Gul Khan kutoka Ghazni – wakipigwa risasi na kuuawa na jamaa za watu waliouawa katika mashambulizi ya visu.
Wawili hao waliamuliwa kuwajibika na Mahakama ya Juu ya Taliban kwa vifo vya wahasiriwa wawili katika mashambulio hayo tofauti, lakini haikufahamika kama wao wenyewe walitekeleza mauaji hayo.
Umati wa watu ulikusanyika nje ya uwanja wa michezo katika eneo la Ali Lala katika mji wa Ghazni siku ya Alhamisi kutazama mauaji hayo, huku wasomi wa kidini wakiwasihi jamaa hao kuwasamehe Jamal na Khan.
Hata hivyo, mauaji hayo yalianza muda mfupi kabla ya saa moja jioni, ambapo washtakiwa hao walifyatuliwa risasi 15 na familia za wahasiriwa, nane saa moja na nyingine saba.
Katika taarifa yake, mahakama hiyo ilisema mahakama tatu za chini na kiongozi mkuu wa kundi la Taliban, Hibatullah Akhundzada, aliamuru watu hao kunyongwa ili kulipiza kisasi kwa makosa yao ya uhalifu.
Mauaji ya Alhamisi yalikua ya tatu na ya nne ya kunyongwa hadharani tangu Taliban kunyakua mamlaka juu ya Afghanistan mnamo 2021, baada ya vikosi vya Amerika na NATO kuondoka nchini humo kwa ghasia.
